«Հայոց լեզուն սրբություն է, իմանալն անհրաժեշտ է». Գարիկ Մարտիրոսյան

Վերջերս «Антенна» ամսագրի թղթակիցը այցելել է Գարիկ Մարտիրոսյանին եւ, բացի Comedy Club-ին եւ հումորին վերաբերող հարցերից, նա նաեւ հետաքրքրվել է, թե ի՞նչ լեզվով են խոսում Մարտիրոսյանի երեխաները։

«Մեր ընտանիքում կարգն այսպես է. ռուսերենը՝ պարտադիր է, անգլերենը՝ ցանկալի, իսկ հայոց լեզուն սրբություն է, իմանալն անհրաժեշտ է։ Երեխաներն ունեն երկու մայրենի լեզու։ Ժասմինը գրում, կարդում եւ խոսում է հայերեն։ Դանիելը դեռ ոչ մի լեզվով չի կարողանում գրել, բայց երկու լեզվով էլ խոսում է։ Ժասմինն արդեն անգլերեն էլ է խոսում, իսկ Դանիելը մի քիչ հասկանում է այն»։

Այն հարցին, թե «ի՞նչ ավանդույթների է հետեւում նրանց ընտանիքը», հայտնի հումորիստը պատասխանել է.

«Հայկական ավանդույթները շատ նման են մյուս ազգերի ավանդույթներին. պետք է շատ ժամանակ անցկացնել ընտանիքի գրկում, երեխաների հետ, որպեսզի նրանք ուրախ մանկություն ունենան։ Իսկ ամենակարեւորը՝ ամեն ամառ իմ ծնողներին այցելելն է։ Մինչեւ Յուրմալա գալը, մենք մեկ ամիս Երեւանում ենք եղել եւ վիտամինների, երջանկության, արեւի, հարազատների ու ընկերների հետ շփման մի մեծ չափաբաժին ենք ստացել։ Նույնիսկ ծիրան ենք մեզ հետ բերել»։

Աղբյուրը՝ Wday.ru