Ջեքի Չանը հրապարակայնորեն ներողություն է խնդրել իր տղայի պահվածքի համար եւ ասել, որ շատ տխրում եւ ամաչում է նրա ձերբակալման պատճառով. հաղորդում է Daily mail-ը։
Կինոդերասանը իր միկրոբլոգում գրել է. «Իմ որդու՝ Ջեյսիի հետ կատարվածի պատճառով ես շատ բարկացած ու ցնցված եմ։ Որպես հայտնի մարդ՝ ես ամաչում եմ, որպես հայր՝ իմ սիրտը կոտրված է»,- գրել է Չանը։
Հիշեցնենք, որ հայտնի դերասան Ջեքի Չանի որդուն՝ Ջեյսի Չանին, Պեկինում ձերբակալել էին իր ընկերոջ՝ 23-ամյա կինոդերասան Կայ Կո Չեն-Դունի հետ միասին։ Ջեյսի Չանի տանից 100 գրամ մարիխուանա են գտել։