Գարեջրի փառատոնը՝ Կարապի լճում (ֆոտո)

Երեւանի քաղաքապետարանը «Երեւանյան ամառ» ծրագրի շրջանակներում շարունակում է հետաքրքիր երեկոներ կազմակերպել:

Այսօր Կարապի լճում «Երեւանյան թմբուկներ» խմբի թմբուկների զարկի ներկքո հաղորդավար Արտավազդ Ամիրյանը հայտարարեց «Գարեջրի» փառատոնի բացումը:

Ինչպես երիտասարդները, այնպես էլ մեծահասակները եկել էին ըմբոշխնելու երեկոն: Հետաքրքիր եւ անակնկալներով լեցուն «Գարեջրի» փառատոնին կազմակերպված էր մի շարք խաղեր, խեցգետնի համտեսում եւ այլն: Իսկ երեկոն թեժացնում էր DJ-ը:

Հատկանշական է, որ փառատոնին մասնակցում էին նաեւ օտարերկրացիներ՝ ռուսներ, հնդիկներ, պարսիկներ:

NEWS.am STYLE-ը ներկայացնում է փառատոնի ֆոտոռեպորտաժը:

Մելինե Տոնոյան