MTV Video Music Awards 2014-ի հաղթողները
12:08 25 օգոստոսի, 2014ԱՄՆ-ում մի քանի ժամ առաջ կայացել է MTV Video Music Awards 2014 ամենամյա մրցանակաբաշխությունը։ Այս տարվա ամենակարեւոր մրցանակին՝ «Տարվա լավագույն տեսահոլովակ»-ին, արժանացել է Մայլի Սայրուսի Wrecking Ball տեսահոլավակը։Բեյոնսեն ստացել է Մայքլ Ջեքսոնի անվան մրցանակ՝ երաժշտության ասպարեզում մեծ ներդրում ունենալու համար։
«Տղամարդ-կատարողի լավագույն տեսահոլովակ» անվանակարգում հաղթել է Էդ Շիրանը՝ իր Sing երգի տեսահոլովակով։ «Կին-կատարողի լավագույն տեսահոլովակ»-ին արժանացել է Քեթի Փերին՝ Dark Horse տեսահոլովակով։
Փոփ-տեսահոլովակների շրջանում լավագույնն է համարվել Արիանա Գրանդի Problem տեսահոլովակը, իսկ Դրեյքի Hold On (We’re Going Home) տեսահոլովակը հաղթել է հիփ-հոփի անվանակարգում։ Ռոք ժանրում մրցանակի է արժանացել Լորդը՝ Royals երգի համար։