Ինչպես պատրաստել վարսակով կիսել
20:05 30 օգոստոսի, 2014Բոլորն էլ գիտեն, թե ինչպիսի օգտակար հատկություններ ունի վարսակը, որն օգտագործվում է ինչպես սննդի, այնպես էլ բժշկության մեջ։ Այն բավականին նպաստավոր ազդեցություն ունի ստամոքս-աղիքային եւ երիկամային խնդիրների դեպքում։
Վարսակով կիսելը հիանալի միջոց է տասներկումատնյա աղիքի եւ ստամոքսի հիվանդությունների դեմ պայքարելու համար։ Այսպիսով, ինչ մթերքներ են անհրաժեշտ վարսակով կիսել պատրաստելու համար. վարսակի փաթիլներ, եռացված սառը ջուր, ինչպես նաեւ կաթ. ի դեպ, վերջինս պարտադիր բաղադրիչ չէ, քանի որ ավելացվում է վերջում՝ ավելի հագեցած համ հաղորդելու համար։
Պատրաստման եղանակը. վարսակի փաթիլները լցնում եք կաթսայի մեջ (կամ ապակե տարայի) եւ ավելացնում սառը ջուրը, որը մինչ այդ պետք է եռացված լիներ։ Խառնում եք վարսակն ու կաթսան փակում։ Մոռանում եք վարսակի մասին մոտ երկու օր։ Այս ընթացքում վարսակը պետք է թթվի, իսկ ջուրը սպիտակ երանգավորում ստանա։ Ստացված զանգվածը անցկացնում եք մարլայով կամ քամիչով. նստվածքը կարող եք թափել։
Ստացված սպիտակ լուծույթը եռացնում եք եւ առաջին իսկ պղպջակների հայտնվելուն պես, անջատում կրակը։ Ի դեպ, լուծույթը եռման աստիճանի կհասնի, եթե մշտապես խառնեք այն։
Եռալուց հետո կիսելը թանձրանում է։ Այն արդեն կարելի է լցնել բաժակների մեջ, սառեցնել եւ կաթով խմել։
Աղբյուրը՝ lubim-zhizn.ru