Ինչպես անգլիական բլիթներ պատրաստել

18:22   18 սեպտեմբերի, 2014

Անգլիական բլիթներ (scones) անվանում են փխրուն ու փշրվող թխվածքներին կամ փոքրիկ բուլկիներին, որոնք շատ արագ ու հեշտ պատրաստման եղանակ ունեն. անգլիացիները դրանք հիմնականում մատուցում են նախաճաշի ժամանակ։ Այս բլիթները լինում են տարբեր տեսակի, քանի որ դրանց մեջ կարելի է ավելացնել եւ մրգեր, եւ հատապտուղներ, եւ չորամրգեր, եւ պանիր, եւ բեկոն։

Այս հոդվածում մենք ներկայացնելու ենք անգլիական բլիթների պատրաստման դասական մի բաղադրատոմս։

Անգլիական բլիթների պատրաստման համար անհրաժեշտ է. 260գր. ալյուր, 50գր. շաքարավազ, երկու թեյի գդալ խմորի փխրեցուցիչ, մե-քառորդ թեյի գդալ աղ, 75 գր. կարագ (մի քիչ սառեցված), մեկ ձու, մեկ թեյի գդալ վանիլի էքստրակտ, 120մլ. սերուցք։

Ամանի մեջ պետք է լցնել ալյուրը, ավելացնել շաքարավազը, աղը եւ խմորի փխրեցուցիչը, ինչպես նաեւ մանր կտրատված կարագը. այս ամենը պետք է հարել մինչեւ միատարր զանգված ստանալը;

Առանձին պետք է հարել ձուն, սերուցքը եւ վանիլի էքստրակտը, ինչից հետո արդեն կարելի է երկու զանգվածները միախառնել իրար հետ եւ խմոր հունցել (եթե ցանկանում եք կարող եք նաեւ չամիչ ավելացնել)։ 

Ստացված խմորը պետք է գնդաձեւ փաթաթել, այնուհետեւ սեղմել ու հաստ շերտով բացել ու 6-7 սմ. չափով շրջանաձեւ հատվածներ առանձնացնել, որը կարելի է անել կամ հատուկ սարքի, կամ սովորական բաժակի միջոցով։

Խմորի առանձնացված հատվածների վերին շերտի վրա պետք է կաթ կամ սերուցք քսել եւ15-20 րոպե եփել վառարանի մեջ։ Պատրաստ լինելուց հետո պետք է բլիթները թողնել, որ մի փոքր սառչի։

Այսպիսի բլթները հիմնականում մատուցում են ջեմի կամ սերուցքի հետ։

 

Աղբյուրը՝ iamcook.ru



© NEWS.am STYLE