«Եթե ոչ մի հիմք չպահես, անընդհատ մի բանից մյուսը շեղվես, ապա ուղղակի դեմքդ կկորցնես»․Նարինե Դովլաթյան

Երգչուհի Նարինե Դովլաթյանը երկար ժամանակ է, ինչ լռում է երգարվեստում։  NEWS.am STYLE-ի հետ զրույցում երգչուհին նշեց, որ այս ընթացքում նա ձեռնամուխ է եղել նոր աշխատանքների իրականացմանը։

«Այո, հաղորդումների հաճախ չէ, որ հյուր եմ գնում, բայց լուռ չեմ։ Նոր երգեր եմ գրում, ձայնագրվում։ Փորձում եմ մեկն ընտրել տեսահոլովակի համար։ Ընտրության հարցում եմ դժվարանում։ Ամեն օր մարզվում եմ, պարի եւ վոկալի մասնավոր պարապմունքների եմ հաճախում։ Օրս շատ լեցուն է»,-նշեց երգչուհին։

Նարինեն սիրում է կյանքում փոփոխություններ կատարել․ «Սիրում եմ անել փոփոխություններ ամեն ինչում, բայց հիմքը պահպանելով։ Եթե ոչ մի հիմք չպահես, անընդհատ մի բանից մյուսը շեղվես, ապա ուղղակի դեմքդ կկորցնես։ Իսկ դա ամենակարեւոր բանն է»։

Jazz, pop, house ոճերում հանդես եկող երգչուհուն հնարավոր է, որ ապագայում տեսնենք նաեւ այլ ժանրերում։

Ինչպես արդեն տեղեկացրել էինք՝ World Music Awards-ի ֆեյսբուքյան պաշտոնական էջում հրապարակել էին երգչուհի Նարինե Դովլաթյանի  «La La La» երգի cover-ը՝ համարելով այն նհավանական cover։

«Շատ անսպասելի էր, երբ իմացա։ Չգիտեմ, ուղղակի շատ մեծ ու հաճելի անակնկալ էր ինձ համար այդ գնահատականը ։)»,- ասաց Նարինեն։

Հարցին՝ մարդուն ի՞նչ է հարկավոր հաջողության հասնելու համար, երգչուհին պատասխանեց․ «Դժվար հարց է։ Իրականում ամեն մարդ ինքը պետք է փորձի եւ հասկանա, թե ինչն է իր մոտ լավ ստացվում եւ ինչն իրեն հաջողության կբերի։ Բայց բոլոր դեպքերում պետք է մնալ մարդ»։

Զրուցեց՝ Մելինե Տոնոյանը