Գարիկն այսօր նշում է իր 30-ամյակը
15:45 20 սեպտեմբերի, 2014Այսօր՝ սեպտեմբերի 20-ին, Գարիկ Պապոյանը նշում է իր 30-ամյակը։ Արմուշը եւ Աստղիկ Սաֆարյանը իրենց ֆեյսբուքյան էջերում շնորհավորել են հոբելյանին՝
«Շնորհավոր Գարիկ ...
Լինես միշտ ուրախ վոնցվոր կաս»,- գրել է Արմուշը։
Իսկ Աստղիկը՝ «Շնորհավորում եմ իմ տաղանդաշատ, մտերիմ ընկերոջ՝ Գարիկ Պապոյանի ծննդյան օրը։ Մեր անկեղծ ընկերությունն արդեն ավելի քան 6-տարեկան է, և այն մինչ օրս էլ նույնքան անկեղծ է ու կլինի շարունակելի»։
Գարիկը սովորել է Հայ-Ռուսական (Սլավոնական) պետական համալսարանի տուրիզմի բաժնում։ Նա իր մասնագիտությամբ չի զբաղվել։ Բանակից վերադառնալուց հետո միացել է «32 ատամ» նախագծին: 2010 թվականի հունիսին «32 ատամ»-ից դուրս գալով` խմբի հիմնական կազմի հետ ստեղծել է նոր նախագիծ «Վիտամին»-ը, աշխատում է որպես սցենարիստ եւ դերասան:
Հումորիստ-դերասանի կարիերային զուգահեռ Գարիկը զբաղվում է նաեւ երաժշտական գործունեությամբ, հանդես է գալիս ալտերնատիվ ռոք ժանրում եւ 2009-ի նոյեմբերին թողարկել է իր առաջին ձայնասկավառակը:
2014 թվականին Գարիկ Պապոյանի հեղինակած Not Alone երգը՝ երգիչ Արամ Mp3-ի կատարմամբ, ներկայացվել է Եվրատեսիլ 2014 երգի մրցույթում եւ զբաղեցրել է 4-րդ հորիզոնականը։
NEWS.am STYLE-ը շնրհավորում է Գարիկին՝ մաղթելով նորանոր ստեղծագործական վերելք։