Կայացավ «Yerevan 2.0» փառատոնը (ֆոտո)
12:01 21 սեպտեմբերի, 2014Երեկ՝ սեպտեմբերի 20-ին, Սիրահարների այգում կայացավ «Yerevan 2.0» քաղաքային երիտասարդական փառատոնը, որի նպատակն է ներկայացնել երիտասարդական քաղաքային մշակույթը, ակտիվ ներգրավել քաղաքացիներին ստեղծագործական միջոցառումներում՝ նպաստելով քաղաքային միջավայրի փոփոխմանն ու երիտասարդների նախասիրությունների ընդլայնմանը:
Փառատոնի ծրագիրը կազմված էր 4 հիմնական թեմատիկ հարթակներից՝ «Art» («Արվեստ»), «Sport» («Սպորտ»), «Relax» («Հանգիստ»), «Education» («Կրթություն»):
Փառատոնի ընթացքում դեկորատորների օգնությամբ խտասկավառակների հիմքով պատրաստում էին յուրօրինակ եւ անսովոր արտ-ինստալացիա, իսկ քանդակի ստեղծման գործընթացին կարող էր մասնակցել յուրաքանչուրը՝ իր հետ վերցնելով հին խտասկավառակներ:
«Yerevan 2.0» փառատոնի շրջանակներում նախատեսվում էր «Իմ կատարյալ Երևանը» ինստալյացիայի ստեղծում: Քաղաքի բնակիչները կարող էին թողնել կատարյալ քաղաքի մասին իրենց բարեմաղթանքները, ցանկությունները եւ երազանքները:
Փառատոնի հանդիսավարներն էին «Վիտամին ակումբի» հումորիստներ Գրիգը, Գոռը եւ Վանը:
NEWS.am STYLE-ը ներկայացնում է փառատոնի ֆոտոշարքը:
Պատրաստեց՝ Մելինե Տոնոյանը