NEWS.am STYLE-ը շարունակում է բլից հարցում անցկացնել հայ հայտնիների շրջանում:
Նշենք, որ «Բլից հարցման» շրջանակում հնչում են տարաբնույթ հարցեր:
Այս անգամ մեր հերոսուհին դերասանուհի Լիա Զախարյանն է:
Ո՞վ է ձեր ամենասիրած հայ դերասանը:
Նաիրա Գրիգորյան, Աննա Էլբակյան, Արթուր Կարապետյան, Կարեն Ջանիբեկյան, Միքայել Պողոսյան։
Իսկ ո՞ր դերասանին չեք սիրում:
Այնպիսի դերասան չկա, որ չեմ սիրում: Բոլորն էլ իրենց ոճի մեջ յուրովի են:
Եթե դերասանուհի չդառնայիք, ապա ի՞նչ մասնագիտություն կընտրեիք:
Դիվանագիտություն կամ իրավաբանություն:
Ձեր ամենասիրած արտասահմանյան ֆիլմը (եւ ինչո՞ւ հենց այդ ֆիլմը):
«Agora», քանի որ ֆիլմում արտացոլված է քրիստոնյաների պայքարը: Մարդիկ անորոշ վիճակում էին եւ չէին կարողանում կողմոնորոշվել, թե որ կրոնն է ճիշտ, որին ապավինեն եւ ինչպես պայքարեն: Բացի այդ, ես շատ-շատ ֆավորիտ ֆիլմեր ունեմ:
Ձեր ամենասիրած կերակուրը:
Ամառային դոլմա (բանջարեղենով):
Իսկ ո՞ր կերակուրը չեք սիրում:
Խաշ: Գիտեմ, որ հայկական ավանդական ուտելիք է, բայց երբեք չեմ փորձել:
Խոհանոցում ինչպիսի՞ն է Լիան:
Շատ պրոֆեսիոնալ (ժպտում է): Սիրում եմ տարատեսակ, համեղ եւ օտար խոհանոցի կերակուրներ պատրաստել:
Ձեր ամենասիրած արտահայտությունը, որ հաճախակի օգտագործում եք:
«Take it easy, breathe easy», թեթեւ տար, թեթեւ շնչիր
Ձեր չսիրած արտահայտությունը:
Ազիզ ջան, սիրուն ջան, հորս արեւ:
Ինչպիսի՞ մարդկանց չեք կարողանում տանել:
Անմակարդակ, անկիրթ, անհետաքրքիր, հումորից հեռու եւ աննպատակասլաց:
Ի՞նչ է ընկերը ձեզ համար, մեկ բառով բնութագրեք:
Մեկ բառով դժվար է նկարագրել: Ամեն ինչ է ընկերը:
Հե՞շտ է լինել հանրային մարդ:
Ոչ, դժվար է, որովհետեւ դու արդեն միայն քեզնով ու քեզ համար չես ապրում, քեզ համար չես աշխատում: Դու բոլորինն ես:
Զրուցեց՝ Մելինե Տոնոյանը