Նորաձեւության շաբաթ Փարիզում. Louis Vuitton՝ գարուն-ամառ 2015
16:04 1 հոկտեմբերի, 2014Փարիզում անցկացվող Նորաձեւության շաբաթը մոտենում է իր տրամաբանական ավարտին։ Այս անգամ գարուն-ամառ 2015 հավաքածուն ցուցադրեց Louis Vuitton ապրանքանիշի ստեղծագործական տնօրենը՝ Նիկոլյա Գեսկերը։
Հավաքածուն հարուստ էր գեղեցիկ նախշերով, ուլտրա-մինի զգեստներով եւ իհարկե, ծակոտկեն զուգագուլպաներով։
Դիտելով ցուցադրությունը՝ կարելի է հասկանալ, որ Գեսկերը փորձել է բավարարել բոլորի պահանջները, քանի որ հավաքածուում կարելի է տեսնել եւ գույնզգույն ու երփներանգ, վառ կարմիր զգեստներ, եւ սեւ ու ավելի գորշ գույներով կարված հագուստներ։
