Պատրաստված է Խորվաթիայում. կին-վարորդը կրկնել է Ջեյմս Բոնդի հնարքը
11:03 2 հոկտեմբերի, 2014Ջեյմս Բոնդի երկրպագուները , հաստատ, կգնահատեն, խորվաթ ավտոսիրահարի կատարած հնարքը։
Ինչպես հայտնել է Mirror-ը՝ Դալմացիա շրջանում ապրող 47-ամյա խորվաթ Մարիա Սկրաչիչը, անտեսելով կամուրջի անջատված հատվածը, ցանկացել է շատ արագ հասնել իր նպատակակետին։
Կինը կրկնել է Ջեյմս Բոնդի հնարքը, որն ականատեսները հասցրել են նկարահանել իրենց հեռախոսի տեսախցիկով։
Մեքենան «քաջաբար» հաղթահարել է բարձրացված կամուրջը, եւ կինն իր անչափահաս դստեր հետ շարունակել է ճանապարհը։
Սկրաչիչին 30 եվրո տուգանել են՝ վտանգավոր երթեւեկության համար, իսկ մեքենան տարել ավտոսպասարկման կենտրոն։ Դեռեւս հայտնի չէ, արդյոք երեխան եւ կին-վարորդը վնասվածքներ ստացել են, թե ոչ։