Քաղցրավենիքի ո՞ր տեսակներն են առավել օգտակար
19:08 5 հոկտեմբերի, 2014Համաձայնեք, առանց քաղցրավենիքի մեր կյանքն անիմաստ է։ Սակայն կարծիք կա, որ քաղցրավենիքն այնքան էլ օգտակար չէ եւ պետք է հրաժարվել դրա օգտագործումից։ Բայց չպետք է մոռանալ, որ բացի վնասակար լինելուց, քաղցրեղենը կարող է նաեւ դրական ազդեցություն ունենա, քանի որ ունակ է խթանել մտավոր գործունեությունը, լինել էներգիայի աղբյուր, եւ իհարկե, հաղորդել բարձր տրամադրություն, որը նույնպես շատ կարեւոր է:
Հետեւաբար, այս հոդվածում մենք կներկայացնենք քաղցրավենիքի այն տեսակները, որոնք եւ օգտակար են, եւ չեն վնասում մարմնի կազմվածքին։
Այսպիսով, եթե քաղցրակեր եք եւ չեք կարող հրաժարվել քաղցրավենիքի օգտագործումից, ապա պետք է մեծ ուշադրություն դարձնեք քաղցրավենիքի ստորեւ ներկայացված տեսակներին։
Առաջին հերթին խորհուրդ ենք տալիս օգտագործել օգտակար հատկություններով հարուստ սեւ շոկոլադ, որը բացի վիտամիններից եւ հանքային աղերից, պարունակում է նաեւ բնական հակաօքսիդանտներ. ի դեպ, հակաօքսիդանտները օգնում են պահպանել գեղեցկությունն ու երիտասարդությունը։
Մյուս կարեւոր եւ առողջարար քաղցրավենիքի տեսակը սպիտակուցներով, ֆոսֆորով եւ երկաթով հարուստ զեֆիրն է, որը նաեւ քիչ կալորիա է պարունակում։
Մեր օրգանիզմի համար օգտակար են նաեւ մարմելադը, պաստեղը եւ շաքարածո մրգերը, ինչպես նաեւ մեղրը, որը ոչ միայն կարող է փոխարինել շաքարավազին, այլեւ բարենպաստ ազդեցություն ունենալ առողջության վրա։
Շատ օգտակար եւ բավականին առողջարար է նաեւ հալվան, որը ոչ միայն դրականորեն է ազդում մաշկի վրա, այլեւ երիտասարդացնում է այն։ Հալվան նաեւ ամրապնդում է սիրտ-անոթային համակարգը։
Եվ իհարկե, չպետք է մոռանալ մրգերի ու բանջարեղենի մասին, որոնց կանոնավոր օգտագործումը (հատկապես թարմ վիճակում) ոչ միայն ցանկալի է, այեւ պարտադիր օրգանիզմի բնականոն զարգացման համար։
Աղբյուրը՝ Otvetin