Ինչպես լվանալ բմբուլե վերարկուները
19:05 22 հոկտեմբերի, 2014Չգիտես ինչու՝ բոլորին հետաքրքրում է մի հարց. ինչպես բմբուլե վերարկուները լվանալ լվացքի մեքենայով։ Իսկ ինչո՞վ է այն տարբերվում այլ հագուստներից։ Հասկանալի է, որ խնդիրը բմբուլն է։ Բմբուլե վերարկուները շատ դժվար է ձեռքով լվանալ, բացի այդ, վտանգ կա, որ բմբուլի «միջուկը» կվերածվի մի կույտի, որն այլեւս չի տաքացնի մեզ։ Լավագույն մեթոդը լվացքի մեքենայով լվանալն է, բայց այստեղ կան որոշ նրբություններ։
Եթե բմբուլե վերարկուն արդեն կեղտոտ է եւ լվանալու կարիք կա, ապա առաջին հերթին պետք է ամրացնել վերարկուի կոճակները, ճարմանդները, շղթաները։ Հաջորդը քայլով անհարժեշտ է ստուգել վերարկուի գրպանները. միգուցե մետաղադրամներ լինեն, որոնք կարող են վնասել լվացքի մեքենան։
Երրորդ փուլում բմբուլե վերարկուն արդեն կարելի է դնել լվացքի մեքենայի մեջ եւ լցնել անհրաժեշտ հեղուկը՝ օրինակ, լվացքի փոշին։
Լվացքի մեքենան անհարժեշտ է միացնել ամենանուրբ ռեժիմով, ինչպես նաեւ սեղմել ողողելու կոճակը։ Եվ ամենակարեւորը՝ լվացքի մեքենայի մեջ բացի վերարկուից պետք է դնել նաեւ թենիսի երեք գնդակ. լվանալու ընթացքում գնդակները կհարվածեն վերարկուին, ինչը կնպաստի, որ վերարկուն փափուկ ու «փարթամ» մնա։ Ահա եւ վերջ. փակում եք լվացքի մեքենան եւ միացնում այն։
Լվանալուց հետո վերարկուն պետք է հանել, եւ չորացնել դրսում՝ արեւի տակ։
Այս բոլոր գործընթացները կատարելուց հետո արդեն չոր վերարկուն թենիսի գնդակների հետ միասին պետք է կրկին դնել մեքենայի մեջ եւ միացնել քամելու ամենաթույլ ռեժիմը։ Ահա եւ վերջ։
Աղբյուրը՝ ostirke.ru