Լեդի Գագան համերգի ժամանակ օրհնել է նույնասեռական զույգին
15:08 24 հոկտեմբերի, 2014«Էպատաժի թագուհի» Լեդի Գագան համերգային շրջագայությունների շրջանակներում մեկնել է Անգլիա։
Ինչպես հայտնել է Huffington Post-ը՝ Մանչեսթերում կայացած համերգի ժամանակ նա անակնկալ է մատուցել իր երկրպագուներին. երգչուհին բեմ է հրավիրել նույնասեռական զույգի։
«Ես այնքան էլ վստահ չեմ, Շոն, բայց հնարավոր է։ Ջեյը ցանկանում է մի բան խնդրել քեզ»,-ասել է Գագան։
Այնուհետեւ տղան ծունկի է իջել, ամուսնության առաջարկ արել եւ ստացել դրական պատասխան։ Հենց այս պահին երգչուհին սկսել է ուրախ թռչկոտել եւ օրհնել է սիրահարներին։