NEWS.am STYLE-ը շարունակում է բլից հարցում անցկացնել հայ հայտնիների շրջանում: Նշենք, որ «Բլից հարցման» շրջանակում հնչում են տարաբնույթ հարցեր: Այս անգամ մեր հերոսուհին երգչուհի Արեւիկ Ալավերդյանն է:
Ի՞նչը կարող է ձեզ երջանկացնել:
Երջանիկ եմ, երբ ընտանիքս եւ հարազատներս առողջ են եւ միշտ կողքիս: Իսկ ընդհանրապես կարող եմ երջանկանալ օրը մի քանի անգամ` տարբեր պատճառներով: Նույնիսկ շատ փոքր գնումներից, ուշադրությունից կարող եմ երջանկություն զգալ:
Ինչպիսի՞ խառնվածք ունեք՝ սանգվինիկ (տաքարյուն), ֆլեգմատիկ (սառնարյուն), խոլերիկ (դյուրագրգիռ), մելանխոլիկ (մելամաղձոտ):
Տաքարյուն եմ:
Շո՞ւտ եք վիրավորվում, հունից դուրս գալիս:
Ցավոք սրտի այո: Կարծում եմ դա ինձ խանգարող բնավորության վատ գիծ է:
Ի՞նչը չեք սիրում մարդկանց մեջ:
Կեղծավորությունը, շահամոլությունը, դիմացինին իշխելու ցանկությունը:
Կա՞ իդեալական մարդ:
Կարծում եմ չկա, բայց երբ ամբողջ սրտով սիրում ես մեկին՝ հենց նա է դառնում իդեալական մարդ քեզ համար:
Արդյոք ճի՞շտ է, որ մարդը ձգտում է հասնել իդեալի:
Լավ է, երբ մարդը աշխատում է իր վրա, կատարելագործվում, զարգանում: Մարդ կարող է ձգտել ունենալ իդեալական կյանք, բայց դառնալ իդեալ կարծում եմ հնարավոր չէ:
Ձեր բնավորության վատ կողմը:
Շատ են վատ կողմերը (ժպտում է): Տաքարյուն եմ, ասում են բնավորությամբ սառն եմ, չհարմարվող, կարող եմ շատ շուտ հունից դուրս գալ, նյարդայնանալ, սակայն փորձում եմ աշխատել ինքս ինձ վրա:
Ձեր բնավորության լավ կողմը:
Կարծում եմ բարի եմ, ընկերասեր, բնավորությամբ ուժեղ եմ, ինչը համարում եմ շատ լավ կողմ:
Եթե հնարավորություն ունենայիք, առաջինն ի՞նչը կփոխեիք մարդկանց մեջ:
Այնպես կանեի, որ չարություն, նախանձ չլիներ մարդկանց մեջ՝ ցավ պատճառելու ցանկություն չունենար ոչ ոք:
Ձեր երազած աշխարհը:
Թող խաղաղություն լինի ամբողջ աշխարհում, թող հիվանդություն չլինի, ուզում եմ բոլորը երջանիկ լինեն եւ անհոգ:
Զրուցեց՝ Մելինե Տոնոյանը