Պարզվել է, որ Քիմ Քարդաշյանը «տարված է սպանություններով»։ Հայտնի աստղը պատմել է, որ երազում էր հետաքննիչ դառնալ, հայտնել է Contactmusic-ը։
Օրերս հարցազրույցներից մեկի ժամանակ թղթակիցը նրան հարցրել է, թե ինչ կցանկանար դառնալ, եթե նրա կյանքն այլ ընթացք ստանար։
«Միգուցե դիմահարդար. ես սիրում եմ շպարել։ բայց ամենից շատ ես կցանկանայի դատական քննիչ դառնալ։ Ես տարված եմ սպանություններով։ Իսկապես չեմ հասկանում, թե ինչու են մարդիկ իրար սպանում, բայց դա ինձ անչափ հուսահատեցնում է»,-ասել է Քարդաշյանը։
Քիմը պատմել է նաեւ, որ մի քանի տարի առաջ անգամ դիմել է վերապատրաստման դասընթացներ ստանալու համար, քանի որ համոզված է եղել, որ կարող է մարդկանց օգնել այս հարցում։