Ռուս հայտնի մոդելը խայտառակվել է ինքնաթիռի մեջ
12:43 29 հոկտեմբերի, 2014Հերթական սկանդալը ռուսական շոու-բիզնեսում։ Հոկտեմբերի 25-ին ռուս հայտնի մոդել, հաղորդավարուհի Վիկտորիա Լոպիրեւային դուրս են հրավիրել Եկատերինբուրգ-Մոսկվա չվերթից. բիզնես կարգի ուղեւորուհին հրաժարվել է անջատել հեռախոսը։ Սակայն մոդելը պնդում է, որ անձնակազմը ոչ ադեկվատ մոտեցում է ցուցաբերել իր նկատմամբ։ Ըստ ականատեսների՝ Վիկտորիան ոտքերը դրել է պատին եւ հայհոյել ուղեկցորդուհուն»։
Ըստ որոշ տվյալների՝ հաղորդավարուհին հրաժարվել է անջատել հեռախոսը, ինչից հետո ուղեկցորդուհին խնդրել է ցույց տալ նրա նստեցման կտրոն ու անձնակազմի ղեկավարի օգնությամբ դուրս հրավիրել Վիկտորիային։
«Ինձանից մեկ մետր հեռու մնա»,-ասել է մոդելը, երբ ուղեկցորդուհին խնդրել է նրան անջատել հեռախոսն ու ուղղել ոտքերը։ «Կներեք, բայց ես պետք է այս մասին տեղեկացնեմ անձնակազմի ղեկավարին» նախադասությանը մոդելը պատասխանել է. «ես թքած ունեմ»։
Այդ ժամանակ ուղեկցորդուհին գնացել է օդաչուների խցիկ, ինչից հետո գլխավոր օդաչուն հայտարարել է, որ որոշ խնդիրների պատճառով ինքնաթիռը ստիպված է վերադառնալ։ Վերադառնալուն պես ոստիկանների օգնությամբ Վիկտորիային դուրս են հրավիրել ինքնաթիռից։ Ըստ որոշ ականատեսների՝ Վիկտորիային դուրս են բերելիս բոլոր ուղեւորները սկսել են ծափահարել։
Իսկ Լոպիրեւան կատարվածն այսպես է մեկնաբանել Twitter-ում։
«Ծիծաղելի պատմություն. ուղեկցորդուհու մոտ ՆԴՀ է, որից տուժում են ուղեւորները, ինչպես նաեւ ավիաընկերությունը։ Այժմ իրեն արդարացնելու համար, նա ստիպված է ստել... դասական մի իրավիճակ»,-ասել է մոդելը։