Ռուս հայտնի դերասանը ծեծել է կնոջը. վերջինս կոմայի մեջ է ընկել
13:08 31 հոկտեմբերի, 2014Մի քանի օր առաջ ռուս հայտնի դերասան Մարատ Բաշարովը ալկոհոլի ազդեցության տակ ծեծել էր կնոջը՝ Եկատերինա Արխարովային եւ դուրս հանել տանից։ Վերջինս տեղափոխվել էր իր բնակարան։
Սակայն երեք օր 39-ամյա դերասանուհին չի պատասխանել հարազատների հեռախոսազանգերին։ Պարզվել է՝ Եկատերինան կոմայի մեջ է եղել։ Այս մասին ռուսական «Прямой эфир» հեռուստածրագրի ժամանակ հայտնել են Եկատերիայի հորեղբայրը՝ Էմանուիլ Վիտորգանն ու նրա կինը։
«Նա ոչ թե Եկատերինային հարվածել, այլ ծեծել է եւ գլխով հարվածել աղջկա քթին։ Այժմ Եկատերինան պառկած է տանը, չի կարողանում վեր կենալ, իսկ Մարատն այս ամենից հետո շատ վիրավորական հաղորդագրություն է ուղարկել նրա մորը։ Բժիշկները նրա մոտ ուղեղի ցնցում են ախտորոշել», -ասել է Էմանուիլ Վիտորգանի կինը։
«Եկատերինան կոմայի մեջ է եղել, ինչը կարող ենք ապացուցել բժշկական փաստաթղթերը»,-ասել է դերասանուհու փաստաբանը։
Նշենք, որ երկար տարիներ Եկատերինան աշխատել է Իտալիայում՝ նկարահանվելով տարբեր ֆիլմերում։ Ըստ հարազատների՝ գեղեցկուհու կյանքում շատ տղամարդիկ են եղել, ովքեր ցանկացել են ամուսնանալ նրա հետ, բայց Եկատերինան նախընտրել է վերադառնալ հայենիք եւ իր սիրտն ու հոգին տվել է 40-ամյա Մարատի Բաշարովին։
Ի դեպ, հայտնի դերասանի ալկոհոլից կախվածություն ունենալու մասին վկայել են նաեւ նրա նախկին ընկերուհիները եւ իրավապահ մարմինները, ովքեր երկու տարի առաջ նրան զրկել են վարորդական իրավունքից՝ ալկոհոլի ազդեցության տակ մեքենա վարելու համար։