Ինչպիսի հակաբեղմնավորիչներ են օգտագործել հնում

Հնում անցանկալի հղիությունից խուսափելու համար մարդիկ անհավատալի միջոցներ են օգտագործել, որոնք կարող էին առողջական լուրջ խնդիրներ առաջացնել։

1. Կոկորդիլոսի արտաթորանք

Հին եգիպտական փաստաթղթերում պահպանվել են տեղեկություններ այն մասին, որ մ.թ.ա. 1850թ-ին կոկորդիլոսի արտաթորանքից, մեղրից եւ նատրիումի կարբոնատից հատուկ նյութեր էին պատրաստում եւ տեղադրվում հեշտոցի մեջ՝ սերմնահեղուկը «չեզոքացնելու համար»։

2. Աքիսի ամորձիներ

Հնում մարդիկ իրենց յուրահատուկ միջոցներ են կիրառել անցանկալի երեխաներ չունենալու համար։ Նրանք հավատում էին, որ եթե ազդրերի ներքին հատվածում  աքիսի ամորձիներ տեղադրեն, ապա այլեւս հնարավոր չի լինի հղիանալ։

3. Սնդիկ

Բավականին վտանգավոր մեթոդ, որը մոտ հազար տարի առաջ օգտագործում էին չինացի կանայք։ Ըստ այս մեթոդի՝ չինացի սիրուհիները սնդիկի եւ կապարի խառնուրդ էին խմում՝ չհղիանալու համար։ Սակայն դժվար չէ գուշակել, թե ինչ վնասակար հետեւանքներ կարող էր ունենալ այս հեղուկը, որն անգամ կարող էր մահացու լինել։

4. Կուղբի ամորձիներով պատրաստված թուրմ

Այս կանադական մեթոդը տարածված է եղել 16-րդ դարում, երբ կանայք անցանկալի հղիությունից խուսափելու համար կուղբի ամորձիները լցնում էին կոնցենտրացված սպիրտի մեջ եւ խմում ստացված թուրմը։

5. Դարբինի ջուր

Ըստ հույն գինեկոլոգ Սորանի, ով իր գործունեությունը ծավալել է մ.թ. 2–րդ դարում, կանանց որպես հակաբեղմնավորիչ միջոց խորհուրդ են տվել խմել այն ջուրը, որի մեջ դարբին սառեցրել է մետաղները։ Զարմանալի է, բայց մինչեւ Առաջին Համաշխարհային պատերազմի տարիներին կանայք հավատում էին, որ սա իսկապես կարող է օգնել չհղիանալու հարցում։ Բայց այն անգամ հնարավոր է մահացու լիներ։

6. Ափիոնային դիաֆրագմա

Սումատրայում կանայք հնում կարծում էին, որ ափիոնի պատիճը կարող է հակաբեղմնավորիչ լինել։

7. Ակացիայով, արմավով եւ մեղրով տամպոն

Մ.թ.ա 1550-ականներին Եգիպտոսում որպես հակաբեղմնավորիչ միջոց օգատգործում էին ակացիայի ու արմավի սերմերից եւ մեղրից պատրաստված տամպոնը։ Մեթոդը կարելի է կիրառելի համարել, քանի որ ակացիայի ֆերմենտները վերածվում էին կաթնաթթվի, ինչն այսօր օգտագործվող սպերմիցիդի բաղադրիչներից մեկն է։

8. Կոլա եւ գազավորված այլ ըմպելիքներ

1950-1960-ականներին մարդիկ անցանկալի հղիությունից խուսափելու համար ներարկում էին Coca-Cola, ինչը մեծ սենսացիա էր առաջացրել ամբողջ աշխարհում։ Հարվարդի բժշկական դպրոցի լաբորատորիայում փորձ կատարվեց, որպեսզի պարզեն, թե արդյոք այս ըմպելիքը կարելի է օգտագործել որպես հակաբեղմնավորիչ, թե ոչ։  Փորձի արդյունքում պարզ դարձավ, որ դիետիկ Կոկա Կոլան կարող է մեկ րոպեում սպանել ամբողջ սերմնահեղուկը։ Սակայն ավելի ուշ կատարված հետազոտությունները չեն կարողացել նույն արդյունքը ստանալ եւ հաստատել վերը նշված փորձը։

9. Կիտրոնի դիաֆրագմա

1600-ականներին կիտրոնը օգտագործվել է որպես հակաբեղմնավորիչ մեթոդ, քանի որ դրա թթվայնությունը սպանում էր սերմանհեղուկը։ Իսկ այն մասին, որ այդ նույն կիտրոնը կարող էր վնասել հեշտոցի միկրոֆլորան, ոչ մեկ չէր մտածում։
 

Աղբյուրը՝ Lady.ru