Բեյոնսեն, Ջեյ Զին, Քեյթ Միդլթոնն ու արքայազն Ուիլյամը՝ Նյու Յորքում բասկետբոլի խաղի ժամանակ

12:03   9 դեկտեմբերի, 2014

Արքայազն Ուիլյամն ու դքսուհի Քեյթ Միդլթոնը ժամանել են Նյու Յորք, որտեղ ինքնաթիռից իջնելուց հետո, պապարացիները սկսել են հետեւել ու լուսանկարել նրանց։

Օդանավակայանից ամուսինները գնացել են Carlyle բարձրակարգ հյուրանոց, որտեղ սենյակի մեկ գիշերվա վարձը սկսում է 14000 դոլարից։ 

Երեկ թագավորական զույգը հանդիպել է ԱՄՆ-ի նախագահ Բարաք Օբամային։

Ինչպես նաեւ Հիլարի Քլինթոնին։

Իսկ դրանից հետո տեղի է ունեցել ամենակարեւոր իրադարձությունը. զույգը գնացել է դիտելու «Բրուքլին Նեթս» - «Քլիվլենդ Քավալիերս» (88-110) բասկետբոլի խաղը, որին բացի Քեյթ Միդլթոնից ու արքայազն Ուիլյամից, ներկա են եղել նաեւ Բեյոնսեն ու Ջեյ Զին։


Թագավորական զույգը խոսել է հայտնի բասկետբոլիստ Ջեյմս Լեբրոնի հետ, ով մարզաշապիկ է նվիրել Քեյթի ապագա երեխային։


«Ինչ չափսի են սպորտային կոշիկներդ»,-հարցրել է արքայազն Ուիլյամը։

«Քո կոշիկի չափսի կեսը»,- կատակել է Ջեյմսը, ինչը ստիպել է Քեյթին ծիծաղել։

Ի դեպ, սպորտային արենայից դուրս հարյուրավոր ակտիվիստներ բողոքի ակցիաներ են կազմկակերպել ատենակալների դատարանի կայացրած որոշման դեմ. դատարանը աֆրոամերիկացի Էրիկ Գարներին սպանած ոստիկանին պատասխանատվության չենթարկելու որոշում էր ընդունել։

Իսկ բասկետբոլիստները մարզվել են I can’t breathe «չեմ կարողանում շնչել» գրառումով շապիկներով. սա հենց այն արտահայտությունն է, որն Էրիկը ասել է իրեն կալանավորող ոստիկանին։

 

 

Աղբյուրը՝ Daily Mail

Լուսանկարները՝  WireImage,APA, AP, EPA, Getty, Reuters, Splash, NBAE




© NEWS.am STYLE