Հարսանեկան հորոսկոպ. 2015-ի որ օրերն են բարեհաջող ամուսնության համար
09:01 11 դեկտեմբերի, 2014Հարսանիքը յուրաքանչյւոր մարդու կյանքի ամենավառ ու երջանիկ իրադարձություններից է, երբ ուզում ես, որ ամեն ինչ իդեալական լինի։ Հարսանիքի համար բարենպաստ օրեր գրեթե բոլոր զույգերն են փնտրում։ Աստղագետները պնդում են, որ հարսանիքի օրվա ճիշտ ընտրությունը պակաս կարեւոր չէ, որքան զույգերի բնավորության գծերի համապատասխանությունը, եւ աստղագիտության մեջ գոյություն ունեն օրեր, որոնք առավել բարեհաջող են ամուսնության համար։ Ստորեւ նեկայացնում ենք 2015 թվականի հարսանիքների համար ամենահաջող օրերը՝ տարվա յուրաքանչյուր ամսվա համար։
Հունվար. բարեհաջող օր ընդհանրապես չկա։
Փետրվար. բարեհաջող օրերն են՝ 12-19-ը։
Մարտ. ամուսնության համար բարեհաջող օրերը քիչ են։ Մարտի 20-ին արեւի խավարում է։ Այս եւ հաջորդ օրը կնքված ամուսնությունները դատապարտված են անհաջողության։ Մարտի 24-31-ը կարելի է հարսանիք անել, սակայն պետք է հաշվի առնել, որ այդ շրջանում Մեծ Պահք է։
Ապրիլ. ապրիլի 4-ին լուսնի խավարումն է, դրան մոտ գտնվող օրերը բարեհաջող չեն ամուսնության համար։ Հարսանիքների համար բարենպաստ օրերն են՝ ապրիլի 8-11-ը։
Մայիս. ամենաբարեհաջող օրերը ամուսնության համար մայիսի 8-16-ն են։ Մայիսի վերջը հարսանիքների կազմակերպման համար լավ չէ։
Հունիս. աստղագիտության տեսանկյունից հարսանիքների համար այս ամսվա բարեհաջող օրերն են հունիսի 14-30-ը։ Հունիսի 13-ը, որը շաբաթ է, համարվում է վհուկների ամուսնության օր, այդ իսկ պատճառով այդ օրը խորհուրդ չի տրվում ամուսնանալ։
Հուլիս. հուլիսի 1-3-ը հիանալի օրեր են ամուսնության համար, որը խոստանում է լինել ամուր եւ երկարատեւ, իսկ զույգերը միմյանց հանդեպ հավատարիմ եւ սիրով կլինեն։ Ամուսնության համար վատ չեն նաեւ մինչեւ հուլիսի 18-ն ընկած օրերը, իսկ հուլիսի 25-ից հետո չի կարելի ոչ մի դեպքում ամուսնանալ։
Օգոստոս. այս ամսում հարսանիքների համար ընդհանրապես բարեհաջող օրեր չկան։
Սեպտեմբեր. այս ամսվա ամենաբարեհաջող օրը սեպտեմբերի 11-ն է։ Սեպտեմբերի 7-10-ն ընկած ժամանակահատվածը նույնպես վատ չէ։ Սեպտեմբերի 13-ին արեւի խավարում է, 27-ին՝ լուսնի։ Այդ եւ դրանց մոտ գտնվող այլ օրերին չի կարելի ամուսնանալ։
Հոկտեմբեր. բարեհաջող օրերը քիչ են, բացառությամբ՝ հոկտեմբերի 25-31-ն ընկած ժամանակահատվածի։
Նոյեմբեր. բարեհաջող օրերն են՝ նոյեմբերի 9-15-ը եւ 28-30-ը։
Դեկտեմբեր. այս ամսում ամուսնության բարեհաջող օրերը նույնպես քիչ են, սակայն եթե շատ եք ցանկանում մինչեւ տարվա վերջ ամուսնանալ, ապա ավելի լավ է դա անել դեկտեմբերի 30-ին եւ 31-ին։
Հիշեցնենք, որ բարեհաջող օրերի սույն վերլուծությունը վերաբերում է միայն 2015 թվականին:
Աղբյուրը՝ Astromeridian.ru