2014 թվականը մոտենում է ավարտին՝ իր տեղը զիջելով 2015-ին՝ Այծի տարուն: Ցավոք, Ձիու տարվա ընթացքում հայ ազգն ու աշխարհն ունեցան կորուստներ: Հայտնի արվեստագետներից, թատրոնի, կինոյի եւ երաժշտական աշխարհի ներկայացուցիչներից ոմանք հրաժեշտ տվեցին կյանքին այս տարի:
Հենց տարեսկզբին՝ հունվարին, կյանքից հեռացավ ԵԿԹՊԻ ռեկտոր Արմեն Մազմանյանը:
Հունվարին եւս մեկ կորուստ ունեցանք՝ մահացավ գրող Լեւոն Խեչոյանը:
Օրեր անց եւս մեկ գույժ հնչեց՝ մահացել էր անվանի դիրիժոր Արամ Ղարաբեկյանը:
2014-ի գարնանը երեք կորուստ ունեցանք՝ կյանքից հեռացան քանդակագործ Արա Շիրազն ու կոմպոզիտոր Կոնստանտին Օրբելյանը, իսկ մայիսին իր մահկանացուն կնքեց ծիծաղի թագուհին՝ Սվետլանա Գրիգորյանը:
Օգոստոսին հայտնի դարձավ, որ մահացել է «Գոհար»-ի գեղարվստական ղեկավար եւ գլխավոր դիրիժոր Սեպուհ Աբգարյանը:
Նոյեմբերին ԱՄՆ-ում քաղցկեղից մահացավ դերասանուհի Հասմիկ Ղարիբյանը՝ կարգին Հասոն:
Դեկտեմբերի 7-ին 55 տարեկան հասակում իր մահկանացուն կնքեց թարգմանիչ, գրող Սամվել Մկրտչյանը:
Ինչպես արդեն նշեցինք, 2014-ին կյանքից հեռացան նաեւ համաշխարհային մեծության հայտնիներ:
2014-ի ապրիլի 17-ին աշխարհը կորցրեց հռչակավոր գրող Գաբրիել Գարսիա Մարկեսին:
Ամռանը կյանքից հեռացավ հայտնի դերասան Ռոբին Ուիլյամսը: Նա ինքնասպան էր եղել:
Սեպտեմբեր ամսվա սկզբին Նյու Յորքում մահացավ ամերիկացի հայտնի դերասանուհի եւ հաղորդավար Ջոան Ռիվերզը։
Հոկտեմբերին 82 տարեկան հասակում մահացավ հայտնի դիզայներ Օսկար դե լա Ռենտան:
Նույն ամսում 40 տարեկանում քնած ժամանակ մահացավ դերասանուհի Սառա Գոլդբերգը:
Պատրաստեց՝ Շուշան Շատիկյանը