Կոնչիտա Վյուրսթ՝ «Եվրատեսիլ 2015-ի» հաղորդավարներից մեկը
11:03 22 դեկտեմբերի, 2014Հայտնի են «Եվրատեսիլ 2015» մրցույթի հաղորդավարների անուները։ Կոնչիտա Վյուրսթը՝ նույն ինքը Թոմաս Նոյվիրթը, պատասխանատու է լինելու այսպես կոչված «կանաչ սենյակի» համար։ Այս մասին հայտնել է Ավստրիական ORF հեռարձակման կորպորացիան Վիեննայում կայացած մամլո-ասուլիսի ժամանակ։
«Կոնչիտան հաղթել է Եվրատեսիլ -2014-ն իր կերպարի, ձայնի եւ երգի շնորհիվ։ Սա առաջին քայլը չէր, բայց ամենաարժանավորներից մեկն էր Ավստրիայի համար երկիրը Եվրոպային եւ ողջ աշխարհին ներկայացնելու հարցում», հայտարարել է Կատրին Զեչները՝ Եվրատեսիլի հեռարձակման պատասխանատուն։
Մրցույթի մյուս հաղորդավարներն են Մարիամ Վեյքսելբրաունը, Ալիս Թամլերն ու Արաբելա Կիեսբաուերը։