Վերջին շրջանում մեզ՝ հայերիս մոտ, Ամանորի ավանդական կերակրատեսակներից է դարձել խոզի բուդը կամ հնդկահավը, սակայն միշտ չէ, որ այդպես է եղել: Հետաքրքիր է՝ ի՞նչ ուտեստներ են դնում այլազգիներն իրենց տոնական սեղաններին:
Այսպես, օրինակ, Ճապոնիայում տոնական սեղանին պարտադիր պետք է լինեն բրնձից եւ լոբուց պատրաստված կերակրատեսակներ:
Լեհասատում ավանդույթի համաձայն 12 տեսակի ճաշատեսակ է դրվում տոնական սեղանին, որոնք պետք է մսային չլինեն: Թույլատրվում է միայն ձկան միսը:
Դանիայի ավանդական ամանորյա ուտեստը սագը կամ բադն է:
Ռումինիայում եւ Բուլղարիայում ամանորյա սեղանին հատուկ խմորեղեն են դնում, որի մեջ հաջողության կոպեկ են թաքցնում:
Ֆրանսիայում տոնական սեղանին պետք է լինի պանրի տեսականի, իսկ գլխավոր ուտեստը կարող է լինել հնդկահավ, սագի կամ բադի միս: Իսկ, ահա, Հունգարիյում եւ Ավստրիայում Ամանորին նախընտրում են սեղանին թռչնամիս չդնել, որպեսզի երջանկությունը չթռնի-գնա:
Իսպանիայում եւ Պորտուգալիայում ամանորյա սեղանին անպայման խաղող է դրվում: