Մարտին Սկորսեզեի ֆիլմի նկարահանմանը շինարար է մահացել
17:04 29 հունվարի, 2015Թայվանում Մարտին Սկորսեզեի «Լռություն» ֆիլմի նկարահանման ժամանակ մահացել է մեկ շինարար, իսկ երկուսը վիրավորվել են։
«Այսօր շատ ցավալի միջադեպ է տեղի ունեցել։ CMPC ստուդիայում նկարահանում էինք մեր նոր ֆիլմը, սակայն դեկորացիաներն այնքան էլ հուսալի չեն եղել, եւ մենք մասնագետ ենք կանչել, որ նա ամեն ինչ կարգավորի։ Ցավով պետք է նշեմ, որ հենց այդ ընթացքում փլվել է առաստաղը. մեկ մարդ մահացել է, իսկ երկուսը վիրավոր են։ Բոլորս ցնցված ենք։ Մեր ցավակցություն ենք հայտնում մահացածի ընտանիքին»,- նկարահանող ընկերության ներկայացուցչի խոսքը մեջբերել է Variety-ին։
Taiwan Daily-ը տեղեկացրել է, որ դեպքի վայր է ժամանել շտապօգնության հինգ մեքենա։