Բրիտանական Daily Mail –ը կազմել է ամենագեղեցիկ ու հմայիչ արքայազների եւ արքայադուստրերի վարկանիշային աղյուսակը, որը գլխավորել է արքայազն Հարին։
Պարբերականը նշել է Հարիի գեղեցիկ մարմինը, այն փաստը, որ նա սպորտի մեծ սիրահար է, ինչպես նաեւ մշտապես բարեգործությամբ է զբաղվում։
Արքայազն Հարին
Երկրորդ տեղում հայտնվել է Հորդանանի թագուհի Ռանիա Ալ-Աբդուլան, ով հայտնի է իր խաղաղարար գործունեությամբ։
Հորդանանի թագուհի Ռանիա Ալ-Աբդուլա
Հաջորդիվ Շվեդիայի արքայազն Կառլ Ֆիլիպն ու նրա հարսնացուն՝ Սոֆիա Հելկվիստն են։
Զույգը ծանոթացել են Ստոկհոլմի գիշերային ակումբներից մեկում 2009թ-ին։ Մեկ տարի անց նրանց միջեւ սիրավեպ է սկսել։
Կառլ Ֆիլիպ ու Սոֆիա Հելկվիստ
Ցուցակում չորրորդ տեղում հայտնվել է Շառլոտա Կազիրագին՝ Մոնակոյի իշխանի զարմուհին։ Վերջերս նա դարձել էր Gucci-ի գովազդային արշավի դեմքը։
Հմայիչ արքայազների ТОП-5-ը եզրափակում է Դուբայի շեյխ Համդան իբն Մուհամեդ բին Ռաշիդ Ալ Մահմուդը։
Լոնդոնի տնտեսագիտության դպրոցն ավարտելուց հետո շեյխը ակտիվորեն քաղաքականությամբ է զբաղվում։ Նա նաեւ սիրում է էքստրեմալ սպորտաձեւեր, ինչպես նաեւ բանաստեղծություններ է գրում։
Նշենք, որ վարկանիշային ցուցակում հայտնվել են նաեւ Իսպանիայի թագավոր Ֆելիպեն եւ թագուհի Լետիցիան, Հորդանանի արքայադուստր Հայա բինտ ալ-Հուսեինը եւ Դանիայի թագաժառանգ Ֆրեդերիկն ու իր կինը՝ Մերին։
Թագավոր Ֆելիպեն եւ թագուհի Լետիցիան
Հորդանանի արքայադուստր Հայա բինտ ալ-Հուսեին
Դանիայի թագաժառանգ Ֆրեդերիկն ու իր կինը՝ Մերին