Ուիթնի Հյուսթոնի դստերը՝ Բոբի Քրիստինային, անհապաղ տեղափոխել են Ռոզուել քաղաքի հիվանդանոցի վերակենդանացման բաժանմունք:
NYDN-ը հայտնել է, որ 21-ամյա Բոբիին իր առանձնատանն անգիտակից վիճակում գտել է նրա ամուսինը՝ Նիք Գորդոնը: Մինչ բժիշկների գալը, Գորդոնը կնոջն արհեստական շնչառություն է տվել, սակայն աղջիկը ուշքի չի եկել: Միջադեպի պատճառները դեռ հայտնի չեն:
Նշենք, որ Բոբի Քրիստինան Ուիթնի Հյուսթոնի միակ դուստրն է եւ նրա ամբողջ ունեցվածքի ժառանգորդը: