Այսօր Բոբ Մառլին կդառնար 70 տարեկան. երբ երաժշտության աստվածները իջնում են երկիր
16:41 6 փետրվարի, 2015Այսօր՝ փետրվարի 6-ին, ռեգի երաժիշտ եւ երգահան Բոբ Մառլին կդառնար 70 տարեկան։ Ռոբերտ Նեստա Մառլին ծնվել է Ճամայկայում։ Հայրը եղել է անգլիական ռազմածովային նավատորմի սպա, իսկ մայրը՝ եկեղեցական երգչուհի։
Սովորաբար նման մեծություններ մասին մի բան գրելն անիմաստ ժամանակի կորուստ է, քանի որ նրա կերպարը, երգերն ու ստեղծագործությունները ավելի մեծ ու կարեւոր են։ Սակայն մենք որոշել ենք ներկայացնել նրա ամենահայտնի հիթերն ու կյանքի ամենակերեւոր դրվագները։
Փետրվարի 6-ը տոն է Ճամայկայում, իսկ փետրվար ամիսը համարվում է «Ռեգիի ամիս»
Բոբն իր կյանքի ընթացքում ընդամենը երկու անգամ է տեսել հորը, քանի որ 1955թ-ին, երբ Մառլին 10 տարեկան էր, հայրը մահացել է։
Մառլիի առաջին «Catch a fire» ձայնապնակը մեծ իրարանցում է առաջացրել երաժշտության ասպարեզում, քանի որ այն նոր ոճ էր, նոր մոտեցում, նոր ռիթմ, որտեղ հիմնականում արծարծվում էր բողոքական եկեղեցու թեման։
Մառլին շատ արագ մեծ ճանաչում է ձեռք բերել, քանի որ նրա երգերն օգատգործում էին որպես օրհներգ ռասայական խտրականությունների դեմ պայքարելու համար։ Եվ այսպես, սկսելով զրոյից, նա դառնում է լեգենդ։
1950-ականների վերջին Մառլիին հեռացնում են դպրոցից, եւ նա ստիպված սկսվում է աշխատել որպես զոդող, իսկ ազատ ժամանակ զբաղվում է վոկալով։
1966թ-ին Մառլին ամուսնացել է Ռիտա Անդերսոնի հետ, ով The Soulettes խմբի երգչուհին էր։ Նույն թվականին կնոջ եւ մայրիկի հետ Բոբը մեկնում է ԱՄՆ։
Մառլին մահացել է 1981թ-ի մայիսի 11-ին Մայամիիում։ Նրա թաղման օրը Ճամայկայի ժամանակից պատմության ամենատխուր օրն էր. երկրում ազգային սուգ է հայտարարվել։ Մառլիի մարմինը տեղափոխվել է նրա ծննդավայր եւ դրվել դամբարանում։ Նա 36 տարեկան էր։
Փողը չի կարող կյանք գնել (Մառլիի վերջին խոսքերը՝ ուղղված իր որդուն)
Ես պարզապես ցանկանում էի երաժշտության միջոցով աշխարհն ավելի բարի դարձնել։