Մահացել է 90-ականների հայտնի Brownston խմբի մեներգչուհին
12:29 2 մարտի, 2015Ուրբաթ երեկոյան Լոս Անջելեսում մահացել է 90-ականների հայտնի Brownston խմբի մեներգչուհի՝ Չարմեյն Մաքսվելը, սակայն այս մասին հայտնի է դարձել այսօր։
TMZ-ն գրել է, որ երգչուհին որդու հետ ֆուտբոլային խաղից հետո տուն է վերադարձել։ Երեկոյան ժամը 9-ին ամուսինը եկել ու կնոջն անգիտակից է տեսել։Մաքսվելի կոկորդից արյունահոսել է։
Երբ ամուսինը ներս է մտել, երգչուհին դեռ ողջ է եղել, սակայն մեծ քանակությամբ արյուն կորցնելու պատճառով մահացել է հիվանդանոցի ճանապարհին։
Ոստիկանությունը հայտնել է, որ Չարմեյն Մաքսվելի պարանոցը կտրվել է կոտրած բաժակի պատճառով։
Նշենք, որ Brownston խմբի «If You love me» երգն արժանացել է Billboard Music Award-ի, ինչպես նաեւ ներկայացված է եղել Գրեմմիի։