Հայ արտիստները շարունակում են գրավել արտասահմանյան շոուների բեմերը: Այս անգամ ռուսական «Главная Сцена» նախագծում օրերս իր ելույթով փայլել է 28-ամյա Հայկ Մովսիսյանը, ով հանդես է գալիս Hayk Music անվամբ: NEWS.am STYLE-ը զրուցել է նրա հետ եւ մանրամասներ պարզել նրա երաժշտական գործունեության վերաբերյալ:
Մեզ հետ զրույցում Հայկն ասաց, որ ծնվել է Հայաստանում, սակայն վաղ տարիքում տեղափոխվել է Ռուսաստան:
«Մեր ընտանիքը Կիրով է տեղափոխվել 1987 թվականին: Այնտեղ անցել է իմ մանկությունը: Ես սովորել եմ հումանիտար քոլեջում, զուգահեռ նաեւ երաժշտական դպրոցում»,-ասաց նա` հայտնելով, որ 2000 թվականին մեծ սոլո համերգ է ունեցել, որից հետո տեղափոխվել է Մոսկվա եւ ընդունվել ջազային քոլեջ:
R&B, Soul ոճերում հանդես եկող արտիստը համագործակցել է Թիմաթիի հետ: Հենց նրա հետ Հայկը 2008 թվականին այցելել է Հայաստան եւ համերգ ունեցել Մարզահամերգային համալիրում:
Հայկը նաեւ համատեղ երգ ունի Թիմաթիի հետ:
Hayk Music-ն իր սոլո կարիերան սկսել է 2010 թվականից: Խոսելով «Главная Сцена» նախագծի եւ իր սպասելիքների մասին, Հայկն ասաց.
«Սա շատ հետաքրքիր փուլ է իմ ստեղծագործական կյանքում: Ես Մաքս Ֆադեեւի թիմում եմ: Առջեւում մեզ պայծառ ապագա է սպասվում»:
Պատրաստեց` Շուշան Շատիկյանը