Ինչպես «կանաչ» պելմենի պատրաստել
19:18 26 մարտի, 2015Նվիրվում է պելմենիի սիրահարներին, ովքեր շատ լավ գիտեն, որ պելմենին այնքան հեշտ պատրաստվող ուտեստ չէ: Պելմենին կարող է դառնալ ձեր տոնական սեղանի գլխավոր կերակրատեսակը, որը դուք կվայելեք ձեր ընտանիքի անդամների եւ հյուրերի հետ: Պելմենին շատ համեղ եւ հագեցնող ուտեստ է, որի մեջ որպես միջուկ օգտագործում են մսի ֆարշ: Իսկ կարելի՞ է մսի փոխարեն այլ միջուկ օգտագործել: Իհարկե, եւ հենց այդ մասին էլ պատրաստվում ենք խոսել:
Քանի որ արդեն գարուն է եւ մեր օրգանիզմը վիտամինների պակաս է զգում, պետք է ավելի մեծ քանակությամբ կանաչի ուտել, քանի որ դրանք մեծապես հարուստ են վիտամիններով եւ միկրոէլեմենտներով: Այսպիսով, ներկայացնում ենք «կանաչ» պելմենիի բաղադրատոմսը:
Խմորի համար ձեզ անհրաժեշտ է՝
Ջուր – մեկ բաժակ
Ալյուր – Երեք բաժակ
Ձու – մեկ հատ
Աղ
Միջուկը՝
Ցանկացած տեսակի կանաչի՝ թրթնջուկ, սամիթ, դալար եղինջ, կանաչ սոխ, անանուխ, մաղադանոս, նեխուր
Պատրաստման եղանակը.
Պելմենիի համար նախատեսված խմորը պետք է ավելի շատ պատրաստել: Ուտեստը սովորոբար շատ համեղ է լինում եւ հյուրերը մեծ հաճույքով ուտում են այն:
Միջուկի համար կարելի է օգտագործել ցանկացած կանաչի կամ մի քանի կանաչիների խառնուրդ, որը հարկավոր է համեմել աղով եւ մի լավ խառնել: Մնում է միայն միջուկը լցնել խմորի մեջ եւ փաթաթել խմորը, ինչպես սովորաբար կատարվում է մսով ֆարշի դեպքում: Ահա եվ վերջ, «կանաչ» պելմենին պատրաստ է:
Աղբյուրը՝ Otvetin