Հոլիվուդյան հայտնի սրտակեր Լեոնարդո Դի Կապրիոն գլխավորել է 2014թ-ի ամենաշատ վարձատրվող դերասանների վարկանիշային աղյուսակը:
The Hollywood Reporter-ը հայտնել է, որ 40-ամյա դերասանը անցյալ տարի 25 միլիոն դոլար է աշխատել «Ուոլ Սթրիթի գայլը» ֆիլմի շնորհիվ: Ի դեպ, 25 միլիոն դոլարի մեջ ներառվում է նաեւ Լեոյի՝ որպես պրոդյուսեր վաստակած գումարները:
Ռոբերտ Դաունի կրտսեր
Դի Կապրիոյին հաջորդել են դերասաններ, ովքեր վաստակել են 20 միլիոն դոլար:
Մեթ Դեյմոն
Այս դերասաններից են Ռոբերտ Դաունի կրտսերը, Մեթ Դեյմոնն ու Դենզել Վաշինգթոնը:
Անջելինա Ջոլի
Վարկանիշային աղյուսակում հայտնված դերասանուհիներից են Անջելինա Ջոլին եւ Սանդրա Բալոքը:
Մասնագետների կարծիքով, շուտով այս ցուցակում հայտնվելու է նաեւ Բրեդլի Կուպերը, քանի որ վերջինս մեծ համբավ եւ պահանջարկ սկսեց վայելել «Ամերիկյան դիպուկահարը» ֆիլմի գլխավոր հերոսի կերպարը մարմնավորելուց հետո: