Ինչպես փոխել քայլվածքը
20:09 16 ապրիլի, 2015Ուշադրություն դարձրեք, թե ինչպես են քայլում ձեր կողքով անցնող մարդիկ՝ շորորում են, քստքստացնում, ծուռ-ծուռ կամ զգաստ են քայլում, գռեհիկ ձեւով շարժում են ազդրերը եւ այլն։ Մենք չենք կարող ամեն վայրկյան տեսնել, թե ինչպիսին է մեր քայլվածքը եւ ինչ տպավորություն է այն թողնում մյուսների մոտ։ Ուստի, պետք է մի պահ մտածել, թե ինչպես կարելի է փոխել քայլվածքն ու ավելի գեղեցիկ քայլել։
Գրավիչ կինը հաճելի դեմքի, սլացիկ կազմվածքի, խնամված մաշկի եւ գեղեցիկ քայլվածքի համադրություն է։ Ուստի, քայլվածքը նույնպես պետք է գեղեցիկ լինի՝ ավելի գրավիչ ու հմայիչ տեսք ունենալու համար։
Առաջին հերթին հարկավոր է ուշադրություն դարձնել կեցվածքին։ Պետք է ուսերը բարձր ու հետ պահել եւ ուղղել կեցվածքը։
Քայլելիս ոտնաթաթն ու կրունկը պետք է մեկ գծով դնել։ Իհարկե, կարելի է ոտնաթաթը փոքր-ինչ դեպի դուրս ուղղել։
Ճիշտ քայլելու գաղտնիքը՝ սկզբում շարժվում է ոտքը, իսկ հետո՝ մարմինը։
Պետք չէ մեծ քայլեր կատարել, սակայն փոքր քայլերով շարժվելը նույնպես գեղեցիկ չէ։ Քայլը պետք է բոբիկ ոտքի երկարությամբ լինի։
Քայլելիս ձեռքերը պետք չէ դնել գրպանում, բայց օրորել նույնպես չի կարելի։ Ձեռքերի շարժումը պետք է ռիթմիկ լինի։
Հիշեք, մեջքն ու ուսերը՝ ուղիղ, գլուխը՝ բարձր, հանգիստ եւ նպատակաուղղված քայլվածքը բավականին գրավիչ տեսք է հաղորդում կնոջը։
Աղբյուրը՝ krasivochka.ru