Ուիթնի Հյուսթոնի դուստրը դեռ կոմայի մեջ է
11:02 21 ապրիլի, 2015Երեկ համաշխարհային բոլոր լրատվամիջոցները տեղեկացրել էին, որ Ուիթնի Հյուսթոնի եւ Բոբի Բրաունի դուստր Բոբի Քրիստինա Բրաունը դուրս է եկել կոմայից։ Պարբերականները նշում էին, որ աղջկա հայրը հայտարարել է, որ Քրիստինան բացել է աչքերը։
«Բոբին արթնացել է»,- հայտարարել էր Բոբիի Բրաունը։
Սակայն Հյուսթոնի ընտանիքի մյուս անդամները հերքել են տարածված տեղեկատվությունը՝ հայտարարելով, որ Քրիստինան դեռ կոմայի մեջ է, հաղորդել է TMZ-ը։
«Քրիստինան չի բացել աչքերը։ Նա դեռ նույն վիճակում է»,- ասել է ընտանիքին մոտ կանգնած աղբյուրը։
Նշենք, որ Քրիստինա Բրաունը հունվարի 31-ից կոմայի մեջ է։