Քանիե Ուեսթը օգնել է Քիմ Քարդաշյանին հասկանալ տրանսգենդեր խորթ հորը

14:38   27 ապրիլի, 2015

Օրեր առաջ ամերիկյան հայտնի մարզիկ, Օլիմպիական չեմպիոն (1976),  Քիմ Քարդաշյանի խորթ հայր Բրյուս Ջեները հյուրընկալվել էր Դիանա Սոյերի հաղորդմանը (ABC հեռուստաընկերություն)։ Բրյուսը պատմել էր իր սեռական կողմնորոշման խնդրի մասին եւ նշել, որ այլեւս չի ցանկանում ապրել կեղծիքի մեջ։

«Ես կին եմ։ Ես ինձ ավելի շատ կին եմ համարում, քան տղամարդ։ Ես այլեւս չեմ կարող։ Ես ավելի կանացի, քան առնական մտածելակերպ ունեմ։ Սակայն դեռեւս իմ մեջ տղամարդուն բնորոշ որոշակի մասեր կան, բայց միեւնույնն է, կողմնորոշմամբ ինձ կին եմ զգում։ Ես նույնասեռական չեմ, ես միշտ հետերոսեքսուալ եմ եղել, ապրել կնոջս եւ երեխաներիս հետ», -ասել էր Քիմ Քարդաշյանի խորթ հայրը։

Պարզվում է, որ առաջին անգամ իր սեռական կողմնորոշման մասին Ջեները խոսել է հենց Քիմի հետ, ով սկզբում չի ընդունել հոր որոշումը, սակայն հետո իրավիճակը փոխվել է։

Բրյուսը պատմել է, որ Քիմի վերաբերմունքի փոփոխման հարցում մեծ ազդեցություն է ունեցել Քանիե Ուեսթը։

«Գիտե՞ս, թե ով է ինձ օգնել փոխել իմ կարծիքը։ Քանիեն։ Նա ասաց. «Լսիր Քիմ, ես կարող եմ ամուսնացած լինել աշխարհի ամենագեղեցիկ կնոջ հետ, եւ ես ամուսնացել եմ, կարող եմ ունենալ ամենագեղեցիկ դուստրը, եւ ես ունեմ, բայց այս ամենը ոչինչ է, եթե ես չեմ կարող լինել այնպիսին, ինչպիսին կամ։ Եթե ես անկեղծ չեմ սեփական անձի նկատմամբ, ինչպես կարող եմ մյուսների հանդեպ անկեղծ լինել։ Դրանից հետո ամեն ինչ փոխվեց»,- Քիմն ասել է Բրյուսին։

 

 

Աղբյուրը՝ Huffington Post



© NEWS.am STYLE