Հանրահայտ System of a Down խմբի անդամներ Սերժ Թանկյանը եւ Ջոն Դոլմայանը այժմ Վանաձորում են, որտեղ գտնվում է Թանկյանի կնոջ՝ Անժելա Մադաթյանի տունը։ Համացանցում հայտնվել են լուսանկարներ, թե ինչպես են երկրպագուները շրջապատել իրենց սիրելի երաժիշտներին եւ լուսանկարվում նրանց հետ։
Ի դեպ, Սերժ Թանկյանին ուղեկցել են նաեւ կինն ու որդին։
Հիշեցնենք, որ ապրիլի 25-ին, «Մոսկվա» կինոթատրոնում կայացավ «1915» հոգեբանական թրիլլերի երեւանյան պրեմիերան: Ֆիլմի սցենարի հեղինակը եւ ռեժիսորը Կարին Հովհաննիսյանն է՝ հայտնի քաղաքական գործիչ Րաֆֆի Հովհաննիսյանի որդին, գլխավոր դերերում հանդես են եկել Սիմոն Աբգարյանն ու Անժելա Սարաֆյանը: Երաժշտության հեղինակը Սերժ Թանկյանն է:
Լուսանկարները տրամադրել է Լիլիթ Ազարյանը