Քիմ Քարդաշյանը սատարել է իր տրանսգենդեր խորթ հորը

10:03   28 ապրիլի, 2015

Օրեր առաջ ամերիկյան հայտնի մարզիկ, Օլիմպիական չեմպիոն (1976),  Քիմ Քարդաշյանի խորթ հայր Բրյուս Ջեները հյուրընկալվել էր Դիանա Սոյերի հաղորդմանը (ABC հեռուստաընկերություն)։ Բրյուսը պատմել էր իր սեռական կողմնորոշման խնդրի մասին եւ նշել, որ այլեւս չի ցանկանում ապրել կեղծիքի մեջ։

«Ես կին եմ։ Ես ինձ ավելի շատ կին եմ համարում, քան տղամարդ։ Ես այլեւս չեմ կարող։ Ես ավելի կանացի, քան առնական մտածելակերպ ունեմ»,-ասել էր Քիմ Քարդաշյանի խորթ հայրը։

Today հաղորդմանը տված հարցազրույցում Քիմը որոշել է իր կարծիքն արտահայտել հոր սեռական կողմնորոշման մասին.

«Սկզբում ես շատ դժվարությամբ ընդունեցի այդ նորությունը։ Երբ նա ինձ պատմեց այդ մասին, ես ցնցված էի։ Բայց ամեն դեպքում ես սատարում եմ Բրյուսին, քանի որ նա որոշել է լինել այնպիսին, ինչպիսին կա իրականում եւ չկեղծել։ ԶԼՄներում շատ են հոդվածներն այն մասին, որ մեր ընտանիքի անդամները բացասաբար են ընդունել այդ որոշումը։ Սուտ է, մեր ամբողջ ընտանիքը սատարում է Բրյուսին, քանի որ  դա  նրա ընտրությունն է։ Մենք միշտ խոսում ենք նրա հետ ու անում ամեն ինչ, որ նա իրեն լավ զգա»,- նշել է Քիմը։

Ի դեպ, ավելի վաղ Բրյուսը պատմել էր, որ Քիմի այս վերաբերմունքի հարցում մեծ ազդեցություն է ունեցել Քանիե Ուեսթը։

«Գիտե՞ս, թե ով է ինձ օգնել փոխել իմ կարծիքը։ Քանիեն։ Նա ասաց. «Լսիր Քիմ, ես կարող եմ ամուսնացած լինել աշխարհի ամենագեղեցիկ կնոջ հետ, եւ ես ամուսնացել եմ, կարող եմ ունենալ ամենագեղեցիկ դուստրը, եւ ես ունեմ, բայց այս ամենը ոչինչ է, եթե ես չեմ կարող լինել այնպիսին, ինչպիսին կամ։ Եթե ես անկեղծ չեմ սեփական անձի նկատմամբ, ինչպես կարող եմ մյուսների հանդեպ անկեղծ լինել։ Դրանից հետո ամեն ինչ փոխվեց»,- Քիմն ասել է Բրյուսին։


Աղբյուրը՝ TMZ





© NEWS.am STYLE