Երջանիկ հարաբերությունների երկու կանոն
21:11 11 մայիսի, 2015Բոլոր զույգերը սիրային հարաբերություններ սկսելիս կարծում են, որ այժմ նրանց կյանքը հեքիաթի է նմանվելու, սակայն իրականում ցույց է տալիս, որ դրանք ուղղակի պատրանքներ են, իսկ իրականությունն ավելի դաժան է։
Ներկայացնում ենք երկու կանոն՝ երջանիկ հարաբերություններ սկսելու եւ շարունակելու համար։
Մի կարծեք, որ ձեր ընտրյալը փոխվելու է
Պետք չէ անտեղի ուժեր ու ջանքեր գործադրել՝ զուգընկերոջը փոխելու համար։ Եթե ինչ-որ սխալներ ու թերություններ եք նկատում, ուրեմն կարող եք բարձրաձայնել այդ մասին եւ խնդրել նրան աշխատել այդ ուղղությամբ։ Սակայն սովորաբար այս խոսակցությունները օգուտ չեն տալիս, իսկ վիճաբանություններն էլ անիմաստ են։ Սա պայմանավորված է այն փաստով, որ հասուն մարդը չի մտածում, որ նա դեռ պետք է փոխվի։ Նա կարծում է, որ արդեն հասել է իր զարգացման գագաթնակետին, եւ եթե մյուսներին նա դուր չի գալիս, ուրեմն իրենց խնդիրն է։
Արդյունքում, մարդիկ չեն փոխվում որքան էլ խոսես նրանց հետ։ Ուստի, հասկանալով, որ փոփոխություններ կամ ընդհանրապես չեն լինի, կամ շատ չնչին ու աննկատելի՝ պետք է տալ հետեւյալ հարցը. «Ցանկանու՞մ եմ շարունակել իմ հարաբերությունները այսպիսի մտածելակերպ ունեցող մարդու հետ»։
Բարձրաձայնեք ձեր պահանջների եւ ցանկությունների մասին
Հարաբերություններում հաճախ հանդիպող սխալներից մեկն այն է, որ զույգերը, ցանկանալով բարի եւ լավ մարդու տպավորություն թողնել, չեն բարձրաձայնում իրենց պահանջների եւ ցանկությունների մասին։ Նրանք չեն խոսում եւ չեն պայմանավորվում միմյանց հետ եւ արդյունքում սահմանափակում են իրենց։ Եթե ինչ-որ մի բան նրանց դուր չի գալիս, լռում են, իսկ հետո հայտնվում անելանելի վիճակում, քանի որ ավելի վաղ չեն հետաքրքրվել, չեն պահանջել եւ չեն արտահայտվել։
Ցանկությունները եւ պահանջները թաքցնելով՝ հայտնվում եք մի տհաճ իրավիճակում, քանի որ դրանից հետո ստիպված անելու եք այն, ինչ իրականում ձեզ դուր չի գալիս։ Ուստի, մի ամաչեք եւ արտահայտվեք, թող ձեր զուգընկերը իմանա՝ ինչ եք դուք ուզում եւ ինչից եք խուսափում։ Այսպես փոխզիջման գնալն ու երջանիկ հարաբերությունները շարունակելը շատ ավելի հեշտ է։
Աղբյուրը՝ Creu