Այսօր մեկնարկում է «Եվրատեսիլ-2015» մրցույթի եզրափակիչ համերգը:
Հայաստանը ներկայացնող Genealogy խումբը ելույթ է ունենալու 6-րդ համարի ներքո: Ինչպես Վիեննայից հաղորդում է NEWS.am STYLE-ի թղթակիցը, Stadthalle դահլիճում 10 հազարից ավելի հանդիսատես է հավաքվել: Եզրափակիչի տոմսերի միջին գինը կազմում է 500 եվրո (նվազագույնը՝ 130 եվրո, առավելագույնը՝1030): Հեռուստադիտողների ենթադրյալ թիվը, ովքեր հետեւելու են շոուին ուղիղ հեռարձակմամբ, 100 միլիոնի է հասնում: