Ավարտվեց «Եվրատեսիլ» երգի մրցույթը, որում 365 միավորով հաղթեց Շվեդիայի ներկայացուցիչ Մոնս Սելմերլյովը։ Հայաստանը զբաղեցրեց 16-րդ տեղը։
Մրցույթի պաշտոնական կայքում տեղեկություն է հայտնվել այն մասին, որ ըստ հեռուստադիտողի քվեարկության՝ հաղթել է Իտալիան։ Երկրորդ տեղում հայտնվել է Պոլինա Գագարինան, իսկ երրորդում՝ Շվեդիան։
Հիշեցնենք, որ քվեարկության վերջնական արդյունքը կազմվում է համաձայն հեռուստադիտողի եւ ժյուրիի քվեարկության։ Փաստորեն, Շվեդիայի ներկայացուցիչ Մոնս Սելմերլյովը հաղթել է ժյուրիի միավորների շնորհիվ։