Քիմ Քարդաշյանը բացահայտել է իր երկրորդ երեխայի սեռը
10:01 22 հունիսի, 2015Քիմ Քարդաշյանը Twitter-ում պաշտոնապես հայտարարել է, որ որդի է ունենալու։ 34-ամյա հայուհին շնորհավորել է ամուսնուն՝ Քանիե Ուեսթին, Հայրերի օրվա (երեկ ամերիկացիները տոնում էին Father’s Day-ը) առթիվ։
«Դու շատ լավ հայրիկ ես Նորթի համար, եւ լավագույնը կլինես մեր որդու համար»,- Twitter-ում գրել է Քիմը։
Հիշեցնենք, որ ավելի վաղ Քիմին մոտ կանգնած աղբյուրը հայտնել էր, որ 34-ամյա հայուհին մտադիր է երեխային անվանակոչել ավանդական, այսինքն՝ իր ընտանիքի եւ արմատների, միգուցե տատիկ-պապիկների անունով։