Սմբուկով սուֆլե․ պատրաստման եղանակը

Տարվա այս շրջանում շատ տնային տնտեսուհիներ հաճախ են ցանկանում յուրահատուկ մի բան պատրաստել։ Առաջարկում ենք սմբուկով սուֆլեի շատ համեղ ու արագ պատրաստվող բաղադրատոմս։

Անհրաժեշտ բաղադրիչներն են՝

Սմբուկ - 4 հատ
Ձու - 2 հատ
Սոխ - 1 հատ
Կաթ - 200մլ․
Բուսական յուղ - 1ճ․գդ․
Ալյուր - 30գր․
Կարագ - 30գր․
Պարմեզան - 2 ճ․գդ․
Աղ եւ պղպեղ - ըստ ճաշակի

Պատրաստման եղանակը՝

Առաջին հերթին հարկավոր է լվանալ սմբուկը, երկայնակի բաժանել երկու մասի եւ 10-15 րոպե եփել ձեռոցում (200 ջերմաստիճանի պայմաններում)։ Այս ընթացքում կարելի է մաքրել սոխը եւ տապակել կարագով լի թավայի մեջ մինչեւ ոսկեգույն երանգ ստանալը։ Այնուհետեւ թավայի մեջ հարկավոր է ավելացնել ալյուրը եւ խառնել եւս երկու րոպե։ Դրանից հետո պետք է լցնել կաթը եւ շարունակել եփել եւս 10 րոպե՝ չմոռանալով պարբերաբար խառնելու մասին։

Հաջորդ փուլում ջեռոցում եփած սմբուկների միջուկը պետք է հանել եւ սմբուկից «նավակ» ստանալ, իսկ միջուկը ավելացնել կաթի զանգվածին ու խառնել։ Այնուհետեւ զանգվածը անհրաժեշտ է թողնել, որ սառչի, ինչից հետո արդեն կարելի է լցնել ձվի դեղունցն ու լավ հարված սպիտակուցը եւ համեմել։

Սմբուկի մնացած մասը պետք է դնել բուսական յուղով պատված տապակի մեջ, լցոնել ստացված զանգվածով, ավելացնել քերած պարնեզան պանիրը եւ եփել 15-20 րոպե 180 աստիճանով տաքացած ջեռոցում։

Աղբյուրը՝ Otvetin