Դալայ-լաման ելույթ է ունեցել Գլասթոնբերի փառատոնին
12:34 29 հունիսի, 2015Կիրակի օրը կայացել է բրիտանական Գլասթոնբերի փառատոնը, որի շրջանակներում ելույթ է ունեցել Քանիե Ուեսթը։ Սակայն մինչ այդ հանդիսատեսը շնորհավորել է Դալայ-լամայի ծննդյան տարեդարձը (պաշտոնապես՝ հուլիսի 6-ին)։
BBC-ի փոխանցմամբ՝ Տիբեթի հոգեւոր առաջնորդը ելույթ է ունեցել փառատոնի հանդիսատեսի առաջ։ Ներկաները նրան ծափողջյուններով դիմավորել են Happy Birthday երգի ներքո։
Դալայ-լաման իր ելույթում խոսել է կրթության, ապառազմականացման եւ ինքնագիտակցության բարձրացման մասին։ Նա նաեւ նշել է, որ եթե հոգեւոր առաջնորդ չլիներ, կցանկանար տրակտոր վարել։