«Բաղրամյան պողոտան ինքնըստինքյան կբացվի». Լիլիթ Պիպոյանը չի կարծում, թե ոստիկանությունը ուժի կդիմի
15:22 1 հուլիսի, 2015«Երիտասարդության 95 տոկոսը ծայրահեղ հիասթափված է, թաղված է հոռետեսության մեջ». այսօր լրագրողների հետ հանդիպման ժամանակ ասաց երգչուհի Լիլիթ Պիպոյանն` անդրադառնալով էլեկտրաէներգիայի թանկացմանը:
Պիպոյանը ուրախ է, որ երիտասարդները առիթ գտան` փողոց դուրս գալու եւ իրենց բողոքն արտահայտելու: «Յոթօրյա բողոքի դիմաց նրանք ստացան օդից կախված խոստում, սակայն այս ընդվզումից հետո այլեւս նիհր չի լինելու»,-ասաց Պիպոյանը` հավելելով, որ հնարավոր է, որ շարժումը որոշակի դադար ապրի` մինչեւ աուդիտի ավարտը, այնուհետ նորից բռնկվի:
Նա չի կարծում, թե Բաղրամյան պողոտան ազատելու համար ոստիկանները կրկին ուժի կդիմեն:
«Կարծում եմ` պողոտան ինքնըստինքյան կբացվի, այդ միտումը կա»,-եզրափակեց նա:
Շուշան Շատիկյան