Հայերը ֆուտբոլասեր են, եւ դա հավանաբար մեր գեների մեջ է։ Այս խոսքերի ապացույցն է Քիմ Քարդաշյանի դուստրը՝ Նորթը։ Չնայած փոքրիկը երկու տարեկան է՝ շատ է սիրում ֆուտբոլ խաղալ։ Դա են վկայում 34-ամյա հայուհու Twitter-ում հայտնված նոր լուսանկարները։
«Այսօրվանից ես ֆուտբոլիստուհու մայրիկ եմ»,- գրել է Քիմը։
«Նրա մոտ այնքա՜ն լավ է ստացվում»,- երկրորդ լուսանկարը մեկնաբանել է հեռուստաաստղը։
Դե ինչ, հուսով ենք, որ փոքրիկ Նորթը կգնա Հենրիխ Մխիթարյանի կամ Յուրա Մովսիսյանի հետքերով։ Միգուցե ապագայում նա մեծ հաջողությունների հասնի սպորտում, հեռանա ԱՄՆ-ից եւ հանդես գա ֆուտբոլի կանանց Հայաստանի ազգային հավաքականում։ Իսկ ինչու ոչ...