«Երեւանյան հեռանկարներ» 16-րդ միջազգային երաժշտական փառատոնի աշնանային համերգաշրջանի մեկնարկը կտրվի մեծ իրադարձային համերգով. սեպտեմբերի 3-ին հայ հանդիսատեսի համար ելույթ է ունենալու աշխարհի լավագույն նվագախմբերից մեկը՝ Իսրայելի ֆիլհարմոնիկ նվագախումբը:
Կազմակերպիչների խոսքով` լեգենդար երաժիշտ եւ դիրիժոր Զուբին Մեթայի ու Իսրայելի ֆիլհարմոնիկ նվագախմբի այցը Հայաստան տարածաշրջանի համար աննախադեպ իրադարձություն է: