Աշխարհահռչակ ռեփեր Քանիե Ուեսթի 2020-ին նախագահ դառնալու մտադրության մասին իրենց կարծիքն են արտահայտել ինչպես Սպիտակ տանը, այնպես էլ ԱՄՆ-ի դեմոկրատական կուսակցությունում։
Washington Times,-ի փոխանցմամբ՝ ԱՄՆ-ի նախագահի մամլո-քարտուղար Ջոշ Էռնեստը հռետորական հարց է հնչեցրել. «Հետաքրքիր է՝ նախընտրական ինչ կարգախոսով է նա նախշազարդելու իր գլխարկը»։
Իր հերթին ԱՄՆ-ի դեմոկրատական կուսակցության Թվիթթերում հայտնվել է հետեւյալ գրառումը. «Բարի գալուստ նախընտրական պայքար, պարոն Ուեսթ։ Ուրախ ենք ձեզ տեսնել»։
Հիշեցնենք, որ Լոս Անջելեսում կայացած MTV VMA մրցանակաբաշխության ժամանակ հայտնի ռեփերը ելույթ է ունեցել եւ նշել, որ մտադիր է իր թեկնածությունն առաջադրել 2020-ին կայանալիք նախագահական ընտրություններին։