«Արման Հովհաննիսյանը ֆանտաստիկ երգիչ է». այս մասին Սոչիում NEWS.am STYLE-ի թղթակցի հետ բացառիկ զրույցում ասել է երգչուհի Վալերիան:
Մեր հարցին, թե ինչ տպավորություններ ունի հայ երգչի հետ դուետ կատարելուց հետո, երգչուհին նշել է, թե մինչ օրս կատարում է այդ երգը.
«Ցավոք, նախկինում ոչինչ չեմ իմացել Արման Հովհաննիսյանի մասին, բայց երբ եկա տուն, YouTube-ում գտա նրա ելույթնԵրը: Պարզվում է՝ նա մեգահանրահայտ է: Նա ֆանտաստիկ երգիչ է, հիանալի է կատարում: Երգն էլ իսկական հիթ է, այնքան լավն է, մինչ օրս երգում եմ»:
Նշենք, որ Վալերիան եւ Արման Հովհաննիսյանն իրենց դուետն առաջին անգամ կատարել են Հայաստանում՝ հայկական հարսանիքի ժամանակ: Մեր թղթակցի հարցին՝ դու՞ր է եկել նրան հայկական հարսանիքը, Վալերիան հիացմունքով պատասխանել է
«Դա մասշտաբային էր, ահա, թե ինչ կասեմ ես»:
Շուշան Շատիկյան՝ Սոչիից