Սոչիում արդեն երրորդ օրն անընդմեջ անձրեւում է, իսկ այսօր նաեւ կարկուտ տեղաց: NEWS.am STYLE-ի թղթակիցը Սոչիից հայտնում է, որ նման եղանակը անսովոր է քաղաքացիների համար: Նրանց խոսքով՝ Սոչիում երեք ամիսը մեկ է անձրեւ տեղում:
Դեռ երեկ լրագրողների հետ հանդիպման ժամանակ «Նոր Ալիք» մրցույթի կազմակերպիչները, ինչպես նաեւ Սոչիի քաղաքապետ Անատոլի Պախոմովը հույս հայտնեցին, թե իրենց «բախտը կբերի», եւ եղանակը չի խանգարի համերգներին: Սակայն արդեն երրորդ օրն է՝ եղանակային անբարենպաստ պայմանները գերիշխում են, թեեւ չի կարելի ասել, թե դա խանգարում է մրցույթին:
Նշենք, որ այս տարի առաջին անգամ «Նոր Ալիք» երաժշտական մրցույթն անցկացվում է Սոչիում, ոչ թե Յուրմալայում:
Շուշան Շատիկյան՝ Սոչիից